گوزه لیم دلبری وار
هر کسین دهریده سن تک گوزه لیم دلبری وار
خوش اونون حالینا دونیاده نه درد سری وار؟
قورخورام نازیله چوخ باخما یامان گوز چوخدور
هر گورن سویله ییر حسرتله:((عجب گوزلری وار))!
دوشون اوز قدرینی آلداتمایا بیگانه سنی
اللی یئردن گوزه لیم،گوزلرینه مشتری وار
گوزلرین بیر یانا،کیبریکلرینه حیرانم
کی،دئلیر باغریمی هر دن، ائله بیل نئشتری وار!
بیر دونوب باخماق ایله عالمی زنجیره سالیر
او قارا زولفونون ای مه نه یامان شاکری وار!
بویله بیر دام بلادن نئجه قورتارماق اولار؟
گوزلرین تک ،گوزه لیم،ساچلارینین رهبری وار
وصله یئتجک نه اوچون سرینی اغیاره دئدین؟
ایندی واحید،سنی دیندیرمسه جانان یئری وار!!!!!!!
واحیدین غزلری
سلام.
فقط میتونم خیلی خوش ذوقی هم درانتخاب عکس وهم متن وهم به زبان دیگه نوشتن . همیشه موفق وموید باشی.
سلام
تا جایی که تونستم معنیش کردم خیلی زیبا بود
راستی همون طور که قبلا هم گفته بودم خیلی خوش سلیقه ای
موفق باشی