« خسته »
نئجه دینجه لره م ، بیر ده لی چووغون
اسیب قایدالاری دولاشدیرارسا.
شه هرده بیر منم ، بیر ده یوخلوغون ،
یالاندیر ، ریا د یر قالان نه وارسا .
سئوگی حدّ تانیمیر ، آرتیر ایل به ایل ،
سئوگی نین سرحدّی سئوگی دیر یئنه .
سنه صداقتیم – عادی بورج دئییل ،
سنه صداقتیم – سئوگی دیر سنه .
خسته آپارمیسان ساغالتماق اوچون.
اونا شفا وئره ن منه درد وئریر .
خبرین یوخدور کی ، سنین یوخلوغون
من یازیق ساغلامی خسته لندیریر .
« یالان دونیا »
گاه باشیما تومار چکه ن ،
گاه ایلان تک چالان دونیا .
گاه سینه مه داغلار چکه ن ،
گاه کؤنلومو آلان دونیا .
گاه داغیلان ، گاه قورولان ،
بعضاً آچان ، بعضاَ سولان ،
گه لن لری یولا سالان ،
اؤزو باقی قالان دونیا .
بیر یاندا آت ، بیر یاندا اوت ،
سولو گونش ، ساغی بولود .
« دوشانا قاچ ، تازی یا توت » -
دئیه ن کؤهنه فیلان دونیا .
مین رنگی وار ، مین دونو وار ،
نئچه – نئچه اویونو وار ،
نه اوّل لی ، نه سونو وار ،
یالان دونیا ، یالان دونیا !
سلام
مثل همیشه زیبا و قشنگ بود امیدوارم موفق و سلامت باشی
سلام بهنام جان .. ممنون که به منم سر زدی وبلاگت قشنگه
اما ای کاش ترجمه اونم بنویسی من واقعا از دیدن عکسا لذت بردم
برات آرزوی موفقیت میکنم ..رویا
سلام گوزل دیلداش
سنین وبلاگین چوخ گوزل اما یازمیبسان کی شعرلر اوزوندن دی یا یوخ
منده سنین همشهرین عنوانیندا سئویرم کی دیلداشلاریم بئله تورکجه یازیللار اما لطفا هامیسین تورکی یاز